Дарагія сябры, ад усёй душы віншуем вас з Днём абаронцаў Айчыны ‒ святам мужнасці, годнасці і гонару.

У гэты дзень, у першую чаргу, хочацца павіншаваць і выказаць удзячнасць усім абаронцам краіны ‒ былым, сучасным і будучым. У нашай памяці назаўжды захаваюцца подзвігі воінаў-заступнікаў, іх бясконцая адданасць і любоў да роднай зямлі, самаахвярнасць і гераізм.

23 лютага мы ўшаноўваем не толькі тых, хто знаходзіцца на баявым пасту, але і тых, хто штодзень змагаецца на мірнай ніве. Традыцыйна Дзень абаронцаў Айчыны ўспрымаецца як свята сапраўдных мужчын, здольных аказаць падтрымку, падставіць сваё моцнае плячо тым, хто мае ў ім патрэбу. Айчына ‒ гэта не толькі межы краіны, гэта родны горад, пасёлак, дом, сям'я. Берагчы і абараняць усё гэта ‒ ганаровы абавязак кожнага мужчыны, з якім вы паспяхова спраўляецеся.

Шчыра жадаем вам моцнага здароўя і бадзёрасці духу, натхнення і невычэрпнай энергіі для новых здзяйсненняў, мірнага неба над галавой, стабільнасці і ўпэўненасці ў заўтрашнім дні. Няхай вам нязменна спадарожнічае поспех, а ваша жыццё будзе напоўнена яркімі падзеямі і дасягненнямі. Шчасця і працвітання вам і вашым блізкім!