Мужчынскае першынство па валейболе ў рамках круглагадовай спартакіяды сярод калектываў фізічнай культуры арганізацый і ўстаноў Маладзечанскага раёна завяршылася ў красавіку.

У спаборніцтвах прынялі ўдзел 12 каманд. Паводле лёсавання іх падзялілі на дзве групы.

У групу «А» ўвайшлі каманды «Слуцкія электрычныя сеткі», «Упраўленне па адукацыі», «Мінскі Мэблевы Цэнтр», «Камунальнік», «Вайсковая часць 04152», «Маладзечанская ЦРБ».

Каманды з групы «Б» ‒ «Энергазбыт», «Крывічы», «Молодзечнавадаканал», «Маладзечнамэбля», «МНС», «Маладзечанскае кіраванне буравых работ».

Па выніках гульняў на першым месцы валейбалісты грамадскага аб'яднання «Крывічы». Другое і трэцяе месцы занялі каманды філіялаў РУП «Мінскэнерга». Сярэбранымі прызёрамі сталі гульцы філіяла «Энергазбыт», капітан каманды Брылеўскі Дзмітрый ‒ інжынер-інспектар Маладзечанскага міжраённага аддзялення. Бронза адышла камандзе філіяла «Слуцкія электрычныя сеткі», капітан каманды Гарудко Павел ‒ дырэктар філіяла.

Віншуем калег з поспехамі і жадаем ім далейшых спартыўных дасягненняў!