КАРОНАВІРУСНАЯ інфекцыя ‒ вострае інфекцыйнае віруснае захворванне, якое характарызуецца запаленнем дыхальных шляхоў, інтаксікацыяй.

ЗАРАЖЭННЕ АДБЫВАЕЦЦА:
• паветрана-кропельным шляхам;
• кантактна-бытавым шляхам (пры трапленні віруса на слізістыя абалонкі вачэй, рота і носа).

АСНОЎНЫЯ СІМПТОМЫ:
• павышэнне тэмпературы;
• насмарк;
• сухі кашаль;
• слабасць;
• галаўны боль;
• могуць быць болі ў горле;
• можа быць вадкі стул.

МЕРЫ ПРАФІЛАКТЫКІ:
• пазбягайце кантактаў з людзьмі з сімптомамі рэспіраторнай інфекцыі;
• устрымайцеся ад наведвання месцаў масавага збору людзей;
• выкарыстоўвайце сродкі абароны органаў дыхання (аднаразовыя медыцынскія маскі), калі кантактуеце з людзьмі з сімптомамі рэспіраторнай інфекцыі;
• мыйце рукі з выкарыстаннем мыла і антысептычных сродкаў на спіртавой аснове як мага часцей, у тым ліку пасля наведвання месцаў масавага збору людзей;
• не дакранайцеся вачэй, рота і носа рукамі, калі яны не вымытыя ці не апрацаваны антысептыкам;
• ужывайце толькі тэрмічна апрацаваную ежу, бутыляваную або кіпячоную ваду.

Калі Вы прыбылі з краіны, у якой рэгістраваліся выпадкі інфекцыі, выкліканай каронавірусам 2019-nCoV, то пры з'яўленні сімптомаў інфекцыйнага захворвання неадкладна звяртайцеся па медыцынскую дапамогу, мінімізуйце кантакты з людзьмі (выклікайце хуткую медыцынскую дапамогу і паведаміце дыспетчару, што вы наведвалі краіну, у якой рэгістраваліся выпадкі інфекцыі, выкліканай каронавірусам 2019-nCoV).

Матэрыял прадастаўлены Дзяржаўнай установай «Мінскі гарадскі цэнтр гігіены і эпідэміялогіі».