У Беларусі 9 красавіка стартуе рэспубліканская акцыя да Дня Вялікай Перамогі савецкага народа ў Вялікай Айчыннай вайне. Акцыя працягнецца аж да свята 9 траўня.

«30 дзён да Перамогі» ‒ гэта цэлы комплекс мерапрыемстваў, прысвечаны святкаванню Перамогі ў Вялікай Айчыннай вайне. Сярод іх дыялогавыя пляцоўкі, сустрэчы з ветэранамі вайны і вязнямі канцлагераў. Падрабязная інфармацыя аб датах і месцах правядзення мерапрыемстваў будзе размешчана на сайце Мінгарвыканкама.

Філіял «Энергазбыт» РУП «Мінскэнерга» далучаецца да ўдзелу ў акцыі. На працягу месяца работнікі філіяла наведаюць былых работнікаў ‒ удзельнікаў Вялікай Айчыннай вайны, уручаць ім падарункі і падзякуюць за мужнасць і гераізм. Таксама запланаваны ўдзел у гарадскіх мерапрыемствах, правядзенне суботнікаў з мэтай добраўпарадкавання месцаў воінскіх пахаванняў.