У кожнага спажыўца энергіі могуць узнікнуць пытанні па парадку энергазабеспячэння, правядзенню разлікаў, тарыфах, якія прымяняюцца ў разліках, льготам, аднаўленню энергазабеспячэння і г.д.

На сённяшні дзень у філіяле «Энергазбыт» РУП «Мінскэнерга» зарэгістравана больш за 1,5 млн абанентаў ‒ спажыўцоў электрычнай энергіі, а таксама каля 20 тысяч абанентаў ‒ спажыўцоў цеплавой энергіі. Для ўзаемадзеяння са сваімі абанентамі філіял развівае розныя каналы.

У філіяле функцыянуюць два разлікова-касавыя цэнтры ў Мінску і 19 разлікова-даведачных цэнтраў у Мінскай вобласці. Разліковыя цэнтры працуюць па шасцідзённым працоўным тыдні. Інфармацыю пра адрасы і час іх працы можна знайсці на сайце «Энергазбыту» www.energosbyt.by у раздзеле Кантакты.

У разліковыя цэнтры філіяла можна звярнуцца па наступных пытаннях:
• заключэнне (разарванне, перазаключэнне) дагавораў на аказанне паслугі электразабеспячэння з бытавымі абанентамі;
• аперацыі з асабовымі рахункамі абанентаў;
• афармленне льгот па плаце за электразабеспячэнне;
• выдача даведак аб стане разлікаў;
• падача заяў на аперацыі з прыборамі ўліку;
• падача заяў на змяненне тарыфнага плана;
• растлумачэнне парадку разлікаў за спажытую электраэнергію, Правілаў электразабеспячэння.

На сайце www.energosbyt.by прадстаўлены агульныя звесткі аб філіяле, паслугах для фізічных і юрыдычных асоб. Тутака ж можна задаць пытанне спецыялісту праз электронны сэрвіс «пытанне-адказ».

Таксама спажыўцы могуць карыстацца электроннай заяўкай на абслугоўванне прыбораў уліку. Падрабязная інфармацыя размешчана ў раздзеле «Электронная заява на абслугоўванне ПУ» (спасылка https://www.energosbyt.by/ru/elektron-uslugi/elektron-zayavki/elektron-zayavlenie).

Неабходныя звесткі можна атрымаць па шматканальным тэлефоне даведкі 8(017)371-00-33 (для абанентаў Мінска і Мінскага раёна), а таксама ў раённых збытавых падраздзяленнях філіяла (тэлефоны пазначаны на сайце ў раздзеле Кантакты).

Праз сайт грамадзяне могуць накіраваць у філіял электронны зварот. Акрамя таго, праводзіцца асабісты прыём грамадзян. Папярэдне запісацца на асабісты прыём можна па тэлефоне 8(017)293-82-14 або праз электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Зручным інструментам для бытавых абанентаў з'яўляецца дадатак «Асабісты кабінет». Прайшоўшы рэгістрацыю, карыстальнік атрымлівае магчымасць выдаленай працы з аператыўнымі дадзенымі аб асабовым рахунку, у тым ліку аб плацяжах, аб спажытай электраэнергіі і тарыфах.